Termolizimi

Eficenca e energjisë duhet parë si element parësor, që në projektimin e një ndërtese  e deri në arredimin e saj final me orenditë dhe elektroshtëpiaket përkatëse. Një shtëpi e termoizoluar kërkon më pak energji për t’u ngrohur në dimër dhe për të qëndruar e freskët në verë, duke penguar kalimin e nxehtësisë dhe si rrjedhojë humbjen e saj.

Megjithatë, le të fokusohemi pak te rëndësia e termoizolimit.

Kur projektojmë dhe kryejmë një investim, veçanërisht nëse presim që të jetë jetëgjatë, vendosim me kujdes se cilat elemente janë të domosdoshme dhe cilat janë investimet që rezultojnë me benefit për një shtrirje të gjatë kohore. Në rastin e termoizolimit të ndërtesës, qysh në fillim do të vërehet ulje e menjëhershme e konsumit të energjisë dhe si pasojë edhe ulje të kostos për të blerë lëndë djegëse. Mirëpo, një ndërtesë ku temperatura qëndron e përshtatshme dhe konsumi i lartë nuk përbën shqetësim në shpenzimet periodike përkthehet në rritje të kushteve të komfortit në mjediset e brendshme të banuara. Një tjetër përfitim i termoizoilimit është eliminimi i urave termike, si p.sh. plasaritjeve, infiltrimeve të ajrit etj., të cilat janë shqetësuese për mjediset e brendshme të banesave.

Vlen të theksohet si përfitim gjithashtu edhe kursimi i energjisë deri në 50% dhe kthimin e investimit për një periudhë nga 2-4 vite, falë termoizolimit. Ky lloj investimi është me përfitim edhe në plan më të gjerë, i cili ka të bëjë me ndotjen e ajrit. Në sajë të reduktimit të lëndës djegëse, që përdoret për ngrohjen, qoftë ajo lëndë e ngurtë, e gaztë apo e lëngët, e cila çon në minimizimin e emetimeve të CO₂  në atmosferë.