Simpoziume

Home
Simpoziume

TIRANË – 4.12.2023

Simpoziumi i parë pjesë e fushatës së komunikimit “Bashkë për Eficencën e Energjisë” u zhvillua në Tiranë dhe në të ishin ftuar konsumatorët e mëdhenj dhe menaxherët e energjisë.

Agjencia për Eficencën e Energjisë është besimplotë për bashkëpunimin me të gjithë aktorët, për të arritur objektivat sipas Planit Kombëtar për Energjinë dhe Klimën, si edhe në kornizën e BE-së mbi Strategjinë 2030 për Energjinë dhe Klimën.

Bashkë, për eficencën e energjisë.

ELBASAN – 20.12.2023

Në qarkun e Elbasanit u prezantuan nismat për rritjen e eficencës së energjisë në nivel vendor dhe qendror.

Në thelb të diskutimit ishin:

– Strategjia Kombëtare për Energjinë dhe Klimën
– Ndër të tjera edhe investimet me vendosjen e paneleve diellore në institucione arsimore (kopshte e çerdhe), institucione vartëse, si edhe në burimet fotovoltaike të energjisë, nga Bashkia e Elbasanit.
– Bashkia e Belshit në bashkëpunim me Agjencia Kombëtare e Ujësjellës-Kanalizimeve (@akuk.alb ), ka ndërmarrë investimin në infrastrukturën e ujësjellësit ku ka ndërtuar impiantin fotovoltaik, si edhe ndriçimi rrugor përmes pneleve fotovoltaike.
– Synim: automjete elektrike për transportin publik.
– Të pranishëm në takim ishin edhe përfaqësues nga bashkitë e tjera të qarkut, të tilla si Cërrik, Prrenjas dhe Gramsh.

Bashkë, për eficencën e energjisë

SHKODËR – 23.01.2024

Shkodra dhe Lezha ishin qarqet e radhës, pjesë e simpoziumeve në vijim të fushatës “Bashkë, për Eficencën e Energjisë”.

Në këtë takim mundëm të përforcojmë angazhimin e prbashkët ndërinstitucional në përmushjen e detyrimeve në kuadër të rritjes së eficencës së energjisë në rrafsh vendor dhe kombëtar, si pjesë e objektivave të Planit Kombëtar për Energjinë dhe Klimënc.

– Ndërmarrja e hapave aktivë për sa i përket termoizolimit të ndërtesave private në Rrëshen, Rubik dhe Reps, u nënvizua si thelbësore nga zv.kryetari i Bashkisë së Mirditës, z. Gjergj Prenga;
– Bashkia e Shkodrës, si një ndër katër bashkitë e një projekti në bashkëpunim me AEE, ka nisur përzgjedhja e objekteve publike, të cilat do të auditohen dhe përmirësohen nga pikëpamja energjitike në mënyrë që të ulet konsumi i energjisë;
– Bashkia e Pukës po vendos në zbatim një projekt për zëvendësimin e dritave LED dhe realizimin e mullinjve të erës;
– Në Fushë-Arrëz pritet të ketë një zhvillim të energjisë eolike falë kushteve natyrore të favorshme;
– Në Lezhë, për të ulur faturat e energjisë, po diskutohet vendosja e paneleve në shkolla dhe objekte organizative.

Bashkë, për eficencën e energjisë.

DURRËS – 02.02.2024

Qarku Durrës ishte ndalesa e radhës e simpoziumit në vijim të fushatës “Bashkë për Eficencën e Energjisë”.

Në këtë takim, u diskutua rreth hapave konkretë të cilat bashkitë Durrës dhe Shijak kanë ndërmarrë për uljen e faturave të energjisë dhe rritjen e eficencës së saj.

– Bashkia Shijak, si pjesë e procesit të rindërtimit, i ka kushtuar një vëmendje të veçantë eficencës së energjisë në ndërtesa. Janë ndërtuar 31 pallate dhe objekte të reja me sistem Kapot dhe janë pajisur me ndriçim LED 8 rrugë.
– Bashkia Durrës është angazhuar në investimet e ndriçimit duke pajisur me ndriçim LED 12 rrugë. Gjithashtu, procesi i rindërtimit me sistem Kapot, ka ndikuar në uljen e konsumit të energjisë.

Bashkë, për eficencën e energjisë.

BERAT – 14.02.2024

Qarku Berat, ndalesa e radhës e simpoziumit në vijim të fushatës “Bashkë për Eficencën e Energjisë”

Ky takim paraqiti disa prej hapave që bashkitë Berat, Kuçovë, Dimal dhe Skrapar kanë ndërmarrë për vendosjen në zbatim të praktikave të mira të kursimit të energjisë.

– Bashkia Berat së bashku me Agjencinë e Eficencës së Energjisë kanë investuar për ndriçimin smart në të gjitha rrugët kryesore në një itinerar 8.3 km. Ky është një investim i cili ka sjellë ulje në buxhetin e bashkisë. Kjo bashki ka ngritur edhe bazën e të dhënave me treguesit e konsumit energjetik.
– Bashkia Kuçovë ka përgatitur një projekt për fasadat e qytetit. Duke shkuar në çdo shtëpi, është bërë një pyetësor ku është shpjeguar çfarë është eficenca e energjisë. Sa i përket ndriçimit LED, rreth 400 ndriçues do të vendosen në rrugët kryesore të qytetit.
– Bashkia Dimal dhe kompania Shell kanë diskutuar për krijimin e disa paneleve fotovoltaike për disa shkolla të qytetit. Gjthashtu, është nisur investimi me materiale që ulin konsumin e energjisë.
– Bashkia Skrapar ka vendosur llamba LED dhe ngrohje me pelet në një shkollë 9 vjeçare dhe 1 kopsht-çerdhe. Ndërkohë, për pjesën tjetër të shkollave, është vendosur ngrohja me kondicionerë inverter.

Bashkë, për eficencën e energjisë.

FIER – 21.02.2024

“Bashkë për Eficencën e Energjisë” në Qarkun e Fierit, ku në bashkëbisedim u paraqitën disa prej hapave që bashkitë Divjakë, Roskovec, Lushnjë, Mallakastër dhe Patos kanë ndërmarrë sa i përket zbatimit të praktikave më të mira për kursimin e energjisë. Ndër disa prej investimeve të kryera përmendim:

– Bashkia Divjakë ka vendosur sistemin kapot në 9 gjimnaze dhe shkolla 9-vjeçare dhe ka zhvilluar 3 projekte për panelet fotovoltaike në objektin e bashkisë, 1 shkolle 9-vjeçare dhe 1 gjimnazi.
– Bashkia Roskovec ka aplikuar panelet fotovoltaike në 5 kopshte dhe sistemin kapot vetëm me termoizolim për 10 pallate parafabrikat.
– Bashkia Lushnjë ka investuar në panele fotovoltaike në kopshtin kryesor të qytetit. Projekti ka përfshirë edhe vendosjen e sistemit kapot me termoizolim, hidroizolim dhe energji të rinovueshme. Më pas është zhvilluar një studim, ku është vënë re se pas investimit faturat e energjisë ishin reduktuar ndjeshëm. (në zero)
-Bashkia Mallakastër ka përfunduar termoizolimin e 10 pallateve parafabrikat dhe ka vendosur sistem kapot në një qendër shëndetësore dhe në godinën e bashkisë e cila është kthyer në një godinë me parametra krejtësisht të rinj.
– Bashkia Patos ka investuar në ndërtimin e paneleve dellore në stacionet e pompimit të planifikuara në mënyrë që të ulen kostot e energjisë dhe të bëhet llogaritja e çmimit të do të vendoset te fermerët për procesin e vaditjes.

Bashkë, për eficencën e energjisë.

KUKËS – 27.03.2024

“Bashkë për Eficencën e Energjisë” në Qarkun Kukës. Gjatë simpoziumit, u paraqitën disa prej hapave konkretë që bashkitë Kukës dhe Tropojë kanë ndërmarrë për zbatimin e praktikave më të mira për kursimin e energjisë.
Ndër investimeve të kryera përmendim:

– Bashkia Kukës ka zhvilluar së fundmi një projekt në bashkëpunim me Fondin Shqiptar të Zhvillimit për rikualifikimin e fasadave të disa banesave kolektive. Këto banesa gjenden në lagjen 1 dhe 2.
– Bashkia Tropojë ka punuar në Valbonë për një sistem për pastrimin e ujërave të zeza dhe ka vendosur centrale e panele fotovolatike të cilat kanë ulur kostot e energjisë.

DIBËR – 02.04.2024

Bashkë për Eficencën e Energjisë” në Qarkun Dibër. Gjatë simpoziumit tonë të parë me bashkitë Dibër dhe Mat treguan konkretisht për disa prej investimeve që kanë zhvilluar sa i përket praktikave më të mira për kursimin e energjisë.

Ndër to mund të përmendim:

– Bashkia Dibër së bashku me Agjencinë për Eficencën e Energjisë kanë punuar në 9 lagje. Me UNDP janë zhvilluar 4 projekte si shkolla në Dobrovë, një gjimnaz dhe një pjesë e bashkisë etj. Gjitnashtu, janë vendosur 1400 ndriçues nga të cilët 1000 janë LED.
– Bashkia Mat është përfituese e Fondit Shqiptar të Zhvillimit për blloqet e pallateve dhe gjithë godinave publike, të cilat janë rikonstruktuar ose rindërtuar. Ato janë pajisur me ngrohje qendrore dhe sistem kapot. Ndërkohë, vazhdon investimi për Spitalin e Burrelit në kuadër të eficencës së energjisë.

Bashkë për Eficencën e Energjisë.

KORÇË – 09.02.2024

Së bashku me bashkitë e qarkut Korçë për simpoziumin e radhës në vijim të fushatës “Bashkë për Eficencën e Energjisë”.
Gjatë takimit konstruktiv u diskutua rreth investimeve konkrete që secila bashki nga ndërmarrë për uljen e faturave të energjisë.

Ndër to mund të përmendim:

– Bashkia Devoll ka investuar për vendosjen e ndriçimit LED në thuajse secilin nga fshatrat e tij. Është punuar për vendosjen e sistemeve me ngrohëse “chiller” dhe kaldajë në disa prej shkollave kryesore.
– Bashkia Maliq ka instaluar 4 pompa me elektromotor IE3, të cilat kanë eficencë mbi 0.85. Janë instaluar gjithashtu invertera për të reduktuar humbjet e lëshimit të elektromotorëve. Gjatë kësaj kohe është menduar edhe vendosja e një impianti fotovoltaik 4 MWh.
– Bashkia Korcë ka realizuar së fundmi një projekt për ndriçimin rrugor LED në kuadër të projektit “Shfrytëzimi inteligjent i energjisë” në bashkëpunim me Qeverinë Zvicerane, Ministrinë e Energjitikës dhe Agjencinë për Eficencën e Energjisë. Nëpër shkolla ka pasur ndërhyrje në termoizolim, ndriçimin LED dhe drenazhimin e objekteve në mënyrë sa më efikase.

Bashkë, për eficencën e energjisë.

VLORË – 09.02.2024

Së bashku me bashkitë e qarkut Vlorë për simpoziumin pjesë së fushatës “Bashkë për Eficencën e Energjisë”.
Gjatë tij u diskutua rreth investimeve konkrete që secila bashki nga ndërmarrë për uljen e faturave të energjisë.

Ndër to mund të përmendim:

– Bashkia Himarë ka vendosur panele fotovoltaike për rinovimin e fundit të godinës së saj, të cilat kanë ndihmuar në uljen e shpenzimeve. Një nismë e dytë e rëndësishme është vendosja e ndriçimit rrugor LED.
– Bashkia Vlore ka investuar në 4 shkolla në kuadër të eficencës së energjisë duke i pajisur me sistem kapot. Hapa të tjerë janë ndërmarrë për vendosjen e paneleve diellore dhe ndriçimin publik.

Bashkë, për eficencën e energjisë.

GJIROKASTËR – 27.02.2024

Simpoziumi i parafundit në vijim të fushatës “Bashkë për Eficencën e Energjisë”⚡ ishte në Qarkun Gjirokastër. Bashkitë e këtij qarku morën pjesë në një diskutim të frytshëm rreth investimeve të kryera e atyre të projektuara për uljen e faturave të energjisë.

Ndër to mund të përmendim:

– Bashkia Gjirokastër ka vendosur ndriçues LED në 70% të qytetit dhe në 17 nga 36 fshatra. Aktualisht kjo bashki është në fazën e tretë të implementimit të eficencës së energjisë. Një nismë tjetër e ndërmarrë është ndërhyrja në objektet shtetërore, respektivisht në Qendrën Kulturore të Fëmijëve. Së treti, GIZ ka qenë donator pranë bashkisë për vendosjen e një sistemi fotovoltaik në shkollën Koto Hoxhi. Fatura mujore e energjisë përpara vendosjes së këtij paneli ka qenë nga 80.000-120.000 lekë në muaj ndërsa tani është rreth 12.000 lekë.
– Bashkia Tepelenë është fokusuar në ndriçimin dhe eficencën e objekteve publike për 22 pallate 5 katëshe duke i ardhur në ndihmë banorëve të qytetit. Janë bërë përpjekje për të ndërhyrë në zonën e fshatrave, duke i pajisur me ndriçim LED si dhe është projektuar një program që synon qëndrueshmëri në kohë.
– Bashkia Delvine ka pasur në fokus menaxhimin e infrastrukturës dhe vendosjen e ndriçimit LED. Është bërë një aplikim në Fondin Shqiptar të Zhvillimit sa i përket pajisjes me panele diellore dhe një projekt është miratuar.
– Bashkia Përmet ka mbaruar së fundmi ndriçimin e 12 segmenteve rrugore. Tashmë mund të themi se gati 100% e qytetit është i ndriçuar. Janë instaluar gjithashtu 2 panale fotovoltaike me fuqi 50kWh për 2 kopshte.
– Bashkia Libohove është fokusuar në vendosjen e ndriçuesve.
– Bashkia Memaliaj po angazhohet për të krijuar një ekip me specialistë të sektorëve të ndryshëm dhe krijimin e një plani zhvillimi për eficencën e energjisë.

Bashkë, për eficencën e energjisë.

TIRANË – 20.09.2024

Përgjatë vitit 2023-2024, Agjencia për Eficencën e Energjisë ka ndërmarrë një “rrugëtim energjitik” të gjatë e impenjativ në të gjitha bashkitë e Shqipërisë.

Së fundmi ajo zhvilloi simpoziumin përmbyllës në të cilin ishin ftuar përfaqësues nga universitetet dhe bashkitë e 12 qarqeve. Së bashku me ekspertë nga fusha të ndryshme përfshirë urbanistikën, ndërtesat publike dhe transportin, u diskutua rreth promovimit të një stili jetese të qëndrueshëm dhe u ndanë përvoja që thellojnë dijet mbi rritjen e eficencës së energjisë.

Nënkryetarja e Bashkisë Tiranë, Znj. Jonida Halili tregoi se janë ndërmarrë dhe janë duke përfunduar projekte të cilat kanë të bëjnë me uljen e konsumit të energjisë. Një ndër projektet do të përfshijë autobusët elektrikë në tre linjat kryesore të qytetit dhe aktualisht janë duke u parashikuar mënyrat e karikimit e prodhimit të tyre.

Bashkë, për eficencën e energjisë.